पश्चिम महाराष्ट्रात काँग्रेसला धक्का, उत्कर्षा रुपवतेंची काँग्रेसला सोडचिठ्ठी; लवकरच वंचित बहुजन आघाडीत प्रवेश करणार?
शिर्डीः पश्चिम महाराष्ट्रात काँग्रेसला आणखी एक धक्का बसला आहे. शिर्डी लोकसभा मतदारसंघातून काँग्रेसच्या तिकिटावर निवडणूक लढवण्यास इच्छूक असलेल्या आणि महाविकास आघाडीत शिर्डीची जागा शिवसेना ठाकरे गटाला सुटल्यामुळे नाराज झालेल्या काँग्रेसच्या महासचिव उत्कर्षा रूपवते यांनी काँग्रेसच्या प्राथमिक सदस्यत्वासह सर्व पदांचा राजीनामा दिला आहे. उत्कर्षा रूपवते लवकरच प्रकाश आंबेडकर यांच्या नेतृत्वातील वंचित बहुजन आघाडीत प्रवेश करणार असल्याची चर्चा असून वंचितच्याच तिकिटावर त्या शिर्डीतून त्या लोकसभा निवडणुकीच्या रिंगणात उतरण्याची शक्यता आहे.
शिर्डी लोकसभेची जागा काँग्रेस पक्षाला मिळावी,अशी काँग्रेस पदाधिकाऱ्यांची मागणी होती. उत्कर्षा रूपवते या शिर्डीमधून काँग्रेसच्या उमेदवारीसाठी आग्रही होत्या. परंतु महाविकास आघाडीत शिर्डीची जागा शिवसेना ठाकरे गटाला सोडण्यात आली आहे. त्यामुळे त्या नाराज नाराज होत्या....