महाराष्ट्र

मुंबईः निवडणुकांसाठी होणाऱ्या आघाडी किंवा युतीमध्ये सहमतीने निर्णय होतो तो जागावाटपाचा. एकदा कोणत्या पक्षाच्या वाट्याला किती जागा हे सूत्र ठरले की त्या त्या पक्षाकडून आपापले उमेदवार निश्चित केले जातात. परंतु भाजपच्या नेतृत्वातील शिवसेना शिंदे गट आणि राष्ट्रवादी अजित पवार गटाचा समावेश असलेल्या महायुतीत तसे होताना दिसत नाही. शिवसेना शिंदे गटाच्या उमेदवार निश्चितीत भाजपने थेट हस्तक्षेप सुरू केल्यामुळे मुख्यमंत्री एकनाथ शिंदे यांना भाजपशी झुंज द्यावी लागत आहे. तर दुसरीकडे लोकसभा निवडणुकीत भाजपने अवलंबलेला हा हस्तक्षेपाचा पॅटर्न आगामी विधानसभा निवडणुकीतही कायम ठेवला तर आपली खैर नाही, या धास्तीने शिंदे गटातील शिवसेना आमदारांत आतापासूनच चलबिचल सुरू झाली आहे. मुख्यमंत्री एकनाथ शिंदे यांनी जाहीर केलेले उमेदवार बदलण्यासाठी भाजपकडून दबाव आणला जात असल्यामुळे शिवसेनेच्या शिंदे गटात कमालीची अवस्थता पसर...